YIMA 1
KU TLANGA
HI NOMBORO
YA 10111 YA
XIHATLA YA
NTIRHO WA MAPHORISA
U komberiwa ku seketela Ntirho wa Maphorisa ya Afrika Dzonga hi nkarhi wa ntsundzuko wa wa khisimusi naswona pfuneta ku tumbuluxa mbangu wo sirheleleka ka un'wana na un'wana.
Xivandla xa 10111 xa Ntirho wa Maphorisa ya Afrika Dzonga xi tinyiketerile ku endla ntirho lowu hetisekeke kambe xi pfumaleka hi nseketelo wa wena.
SWITSUNDZUXO SWA MASUNGULO
Ku va swa xihatla, angulo wo hetiseka, landzelela swiletelo leswi swa masungulo:
Tirhisa tona tinomboro ta xihatla ta 10111 ntsena loko ku ri ni mhaka ya xihatla.
Dyondzisa vana va wena hi tlhelo ra leswi nga n'wi humelelaka loko a ba riqingho ro tlanga eka nomboro ya xihatla ya 10111.
Ku biwa ka riqingho lero swi nga kavanyeta layini ya riqingho, kutani ri sivela riqingho leri ri biwaka hi munhu loyi a nga eka xiyimo xo chavisa lexi xi xungetaka vutomi naswona loyi a lavaka ku pfuniwa hi maphorisa hi xihatla.
Swivilelo swa ko swi nga ri swa xiyimo xo tika swinene swi nga beriwa riqingho leri ri kongomaka eka xitichi xa le kusuhi xa maphorisa.
U nga beli nomboro ya xihatla ya 10 111 riqingho ku va u vutisa timhaka tin'wana na tin'wana - bana riqingho ri ya eka xitichi xa maphorisa xa le kusuhi ematshan'wini ya swona.
Tshama u tshamisekile loko u bile riqingho ra xihatla, naswona u vulavula swi twakala loko u ri karhi u nyika vuxokoxoko lebyi landzelaka:
Vito ra wena ni kherefu
Nomboro ya riqingho ra wena, loko yi komberiwa
Tinhla ta switarata leti nga kusuhi ni laha khombo ri humeleleke kona
Vuxokoxoko byin'wana bya nkoka tani hi nomboro ya vaehleketeleriwa, xivumbeko xa muhleketeleriwa kumbe vaehleketeleriwa, loko vaehleketeleriwa va nhlomile kumbe va nga hlomanga na tlhelo leri va balekeleke eka rona, loko byi ri kona
Ringeta ku komisa swinene mbhurisano. Hambiswiritano, munhu loyi a tekaka riqingho u lava vuxokoxoko hi tlhelo ra xihatla ku tiyisisa vu sirheleki bya wena na ku angula ka xihatla hi maphorisa.
SWITSUNDZUXO SWIN'WANA SWA NKOKA
Endla leswaku nomboro ya xitarata xa wena i yi kulu naswona ya vonakala ku suka exitaratini.
Mavito ya xitarata ya fanele ku vonakala, loko swi nga ri tano tivisa va mfumo wa muganga wa ka n'wina hi xihatla.
TSUNDZUKA: HI KU LANDZELELA SWITSUNDZUXO LESWI U NGA PONISA VUTOMI
TIPHINI SWINENE NASWONA VANA NA NGUVA LEYINENE YO TLANGELA KHISIMUSI KUTANI TSHEMBA LESWAKU NTIRHO WA MAPHORISA YA AFRIKA DZONGA I WO TINYIKETELA KA KU TIYISISA EKA VUSIRHELEKI BYA WENA.
SWITSUNDZUXO LESWI SWI KANDZIYOISIWILE HI XIYENGE XA MITIRHO YA MAPHORISA YA AFRIKA DZONGA: NSIRHELELO WA VUGEVENGA, NTIRHO WA SWA VUPHORISA WO VONAKALA, MITIRHO YA XIHATLA YA MAPHORISA EKA KU SEKETELA XIVANDLA XA 10111.
